Ferðaþjónustan Hjalla ehf er rekin á lögbýlinu Hjalla í Kjósarhrepp.  Hjalli er nýbýli úr jörðinni Eyjum I (1952). Hefðbundinn búskapur var stundaður á jörðinni framan af en nú er það ferðaþjónusta og sauðfjárbúskapur.  

Kjósin er landsvæði við sunnanverðan Hvalfjörð, aðal atvinnustarfsemi á svæðinu er landbúnaður og ferðaþjónusta. Í Kjósinni er fuglalíf fjölskrúðugt og náttúruperlur margar. Hægt er að njóta náttúrunnar á margvíslega hátt t.d. með veiði, gönguferðum og reiðtúrum.

Ferðaþjónustan Hjalla ehf er fjölskyldufyrirtæki og leggjum við mikla áherslu á heimilislegt og fjölskylduvænt umhverfi.  Við bjóðum upp á gistingu í smáhýsi, tjaldsvæði, salarútleigu og góða aðstöðu fyrir hestamenn. Þjónustumiðstöðin Kaffi Kjós er veitingastaður og verslun.
Í samvinnu við Ferðaþjónustu bænda og aðra samstarfsaðila ætla eigendur að vinna markvisst að umhverfismálum í framtíðinni og stuðla að sjálfbærari þróun með hagsmuni komandi kynslóða að leiðarljósi.

Við Ferðaþjónustunni Hjalla ehf ætlum því að:

• vinna markvisst að því að halda nánasta umhverfi hreinu og aðlaðandi,

• stuðla að verndun menningar- og náttúruminja,

• draga úr mengun með minni verðmætasóun t.d  með endurnýtingu, endurvinnslu, orkusparnaði og notkun á umhverfisvænum efnum og tryggja að fráveitumálin hafi ekki spillandi áhrif á umhverfið,

• velja frekar vörur og þjónustu sem koma úr heimabyggð og sem lágmarka neikvæð umhverfisáhrif, þar sem því verður viðkomið.

• ráða til starfa fólk úr heimabyggð þegar tækifæri gefst til þess,

• leita sífellt eftir frekari fræðslu um umhverfismál og koma þeim upplýsingum áfram til starfsfólks,

• hvetja gesti, birgja og viðskiptavini til að taka þátt í að vernda umhverfið með okkur,

• styrkja samstarfið við sveitarfélagið, önnur fyrirtæki og íbúa á svæðinu,

• uppfylla ákvæði laga og reglugerða sem tengjast starfseminni,

• vinna stöðugt að úrbótum í rekstri og þjónustu til að draga úr skaðlegum umhverfisáhrifum með því að endurskoða sjálfbærnisstefnuna árlega og fá umhverfisvottun Green Globe.